ବନ୍ୟା ମୁକାବିଲାରେ ବିଫଳ ସରକାର, ପ୍ରତିବାଦରେ ବ୍ଳକ ଘେରାଉ କଲା କଂଗ୍ରେସ।
କଟକ ( ଉତ୍କଳ ନ୍ୟୁଜ ) ୨୫-୦୮-୨୦୨୬ : ବନ୍ୟା ମୁକାବିଲାରେ ସମ୍ପୂର୍ଣ୍ଣ ଭାବେ ବିଫଳ ସରକାର । ଭଦ୍ରକ ଜିଲ୍ଲା ଚାନ୍ଦବାଲି ନିର୍ବାଚନ ମଣ୍ଡଳୀର ପ୍ରାୟ ୨୦ରୁ ଉର୍ଦ୍ଧ୍ବ ପଞ୍ଚାୟତରେ ଦୁଇ ଦୁଇ ଥର ବନ୍ୟାରେ ପ୍ରପିଡିତ। ଏପରି ବିପତ୍ତି ସମୟରେ ଶୋଇ ପଡିଛନ୍ତି ସରକାର ଓ ପ୍ରଶାସନ । କେଉଁଠି ବନ୍ୟା ବିପନ୍ନଙ୍କ ପାଖରେ ପିଇବା ପାଇଁ ପାଣି ନାହିଁ ତ କେଉଁଠି ଖାଦ୍ୟ ନାହିଁ ଆଉ କେଉଁଠି ଘର ଭାଙ୍ଗିଥିବା ଲୋକଙ୍କ ପାଖରେ ପଲିଥିନ ପାଲ ଖଣ୍ଡେ ଯୋଗାଇ ପାରିନାହିଁ ପ୍ରଶାସନ। ଯାହାକୁ ନେଇ ଆଜି ହଜାର ହଜାର ସଂଖ୍ୟକ କଂଗ୍ରେସ ନେତା ଓ କର୍ମୀ ଏକ ବିରାଟ ଶୋଭାଯାତ୍ରାରେ ଚାନ୍ଦବାଲି ସହର ପରିକ୍ରମା ବାରିବା ସହ ଚାନ୍ଦବାଲି ବ୍ଲକ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିଥିଲେ । ବନ୍ୟା ବିପନ୍ନଙ୍କୁ ଘର, ଚାଷୀଙ୍କୁ ୩୦ ହଜାର ଟଙ୍କାର ଇନପୁଟ ସବସିଡ, ସମ୍ପୂର୍ଣ୍ଣ କୃଷିଋଣ ଛାଡ, ଚାଷୀଙ୍କୁ ବିହନ ଯୋଗାଣ ଆଦି ୯ ଦଫା ଦାବୀ ସମ୍ବଳିତ ଏକ ଦାବିପତ୍ର ଜିଲ୍ଲାପାଳଙ୍କ ଉଦେଶ୍ୟରେ ତହସିଲଦାର ଜରିଆରେ ପ୍ରଦାନ କରିଥିଲେ। ତିହିଡିରୁ ସଂଜୟ ଦାସଙ୍କ ରିପୋର୍ଟ।