More News

ହରିଶନ୍ଦ୍ର ସଂଯୁକ୍ତ ଉଚ୍ଚ ପ୍ରାଥମିକ ବିଦ୍ୟାଳୟର ବାର୍ଷିକ ଉତ୍ସବ |

କଟକ ( ଉତ୍କଳ ନ୍ୟୁଜ ) ୦୯-୦୪-୨୦୨୬ : ଭଦ୍ରକ ଜିଲ୍ଲା ତିହିଡ଼ି ବ୍ଲକ ଭାଟପଡ଼ା ପଞ୍ଚାୟତ ଅଧୀନ ହରିପୁର ସଂଯୁକ୍ତ ଉଚ୍ଚ ପ୍ରାଥମିକ ବିଦ୍ୟାଳୟର ବାର୍ଷିକ ଉତ୍ସବ ଅନୁଷ୍ଠିତ ହୋଇଯାଇଛି । ପ୍ରଧାନ ଶିକ୍ଷୟିତ୍ରୀ ଶ୍ରୀମତୀ ସ୍ନେହଲତା ନାୟକଙ୍କ ପୌରୋହିତ୍ୟରେ ଅନୁଷ୍ଠିତ ସଭାରେ ସାମ୍ବାଦିକ ରାମନାରାୟଣ ନାୟକ ମୁଖ୍ୟ ଅତିଥି, ରାଜନେତା ତଥା ପୁରାତନ ଛାତ୍ର ସଂସଦର ସଭାପତି ସରୋଜ କୁମାର ଦାସ, ସିଆରସିସି ତ୍ରିନାଥ ସେଠ ଓ ସମାଜସେବୀ ଶିବ ପ୍ରସାଦ ବଳ ସମ୍ମାନୀତ ଅତିଥି, ଡ. ଅମୂଲ୍ୟ କୁମାର ସେନାପତି ମୁଖ୍ୟବକ୍ତା ଭାବେ ଯୋଗଦେଇ ବକ୍ତବ୍ୟ ପ୍ରଦାନ କରିଥିଲେ । ଶିକ୍ଷକ ଦୀନବନ୍ଧୁ ବାରିକ ଅତିଥିମାନଙ୍କୁ ମଞ୍ଚ ଆବାହନ କରିବା ସହ ବାର୍ଷିକ ବିବରଣୀ ପ୍ରଦାନ କରିଥିବା ବେଳେ ଶିକ୍ଷକ ରାମ ପ୍ରସାଦ ବାରିକ ଧନ୍ୟବାଦ ଅର୍ପଣ କରିଥିଲେ । ପରିଚାଳନା କମିଟି ଅଧ୍ୟକ୍ଷ ସୁଶୀଲ କୁମାର ଦାସ, ଶିକ୍ଷୟିତ୍ରୀ ସାବିତ୍ରୀ ଖଟୁଆ, ଅଶୋକ କୁମାର ପାଣିଗ୍ରାହୀ, ଗୀତାଞ୍ଜଳି ଦାସ, ସୌଦାମିନୀ ସେଠୀ, ସୁଶ୍ରୀ ସଂଗୀତା ନାୟକ, ସସ୍ମିତା ବାରିକ ଓ ପ୍ରତିମା ବଳ ପ୍ରମୁଖ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ । ଛାତ୍ରଛାତ୍ରୀମାନେ ବିଭିନ୍ନ ପ୍ରକାର ମନୋରଂଜନ କାର୍ଯ୍ୟକ୍ରମ ପରିବେଷଣ କରିଥିଲେ । ତିହିଡିରୁ ସଞ୍ଜୟ ଦାସଙ୍କ ରିପୋର୍ଟ ଉତ୍କଳ ନ୍ୟୁଜ |
Read More ...

ନରେନ୍ଦ୍ରପୁରରେ କାଳ ବୈଶାଖୀ ଓ କୁଆପଥର ମାଡ଼ରେ ଭାଙ୍ଗିଲା ୫୯ ଘର |

କଟକ ( ଉତ୍କଳ ନ୍ୟୁଜ ) ୦୯-୦୪-୨୦୨୬ : କାଳବୈଶାଖି ତାଣ୍ଡବ ଲୀଳା ଦେଖାଇଛି । ପ୍ରବଳ ବର୍ଷା ସାଙ୍ଗକୁ କୁଆପଥର ବୃଷ୍ଟି ହେବା ଫଳରେ ଭଦ୍ରକ ଜିଲ୍ଲା ତିହିଡ଼ି ବ୍ଳକ ଅଧୀନ ନରେନ୍ଦ୍ରପୁର ପଞ୍ଚାୟତରେ ବହୁ କ୍ଷୟକ୍ଷତି ଘଟିଛି । କୁଆପଥର ମାଡରେ ମାଝୀସାହି ଓ ସାମଲସାହିରେ ଆଜବେଷ୍ଟସ ଛପରରେ ଗର୍ତ୍ତର୍ ସୃଷ୍ଟି ହୋଇଛି । ବାହାରେ ଥିବା ଗାଡ଼ି, ମୋଟର ଓ ଅନ୍ୟାନ୍ୟ ଜିନିଷ ଭାଙ୍ଗିରୁଜି ଯାଇଛି । ଜ୍ଞାନେନ୍ଦ ମାଝୀ, କୈଳାସ ମାଝୀ, ନିରଞ୍ଜନ ମାଝୀ, ସହଦେବ ମାଝୀ, ସନ୍ଥ ବେହେରା, ରାଜେନ୍ଦ୍ର ବେହେରା, ରମାକାନ୍ତ ମାଝୀ, ରାଜେନ୍ଦ୍ର ମାଝୀ, ବାବାଜୀ ମାଝୀ, ଶମ୍ଭୁନାଥ ମାଝୀ ପ୍ରମୁଖ ୫୯ ପରିବାର କ୍ଷତିଗ୍ରସ୍ତ ହୋଇଛି ।
ନରେନ୍ଦ୍ରପୁର ପଞ୍ଚାୟତରେ ଥିବା ବାବା ଗୋସାଇଁ ଗାଦିପୀଠ ଓ ସୀତାରାମ ଆଶ୍ରମରେ ଥିବା ଆଜବେଷ୍ଟସ ଘର ଗୁଡ଼ିକ ଭାଙ୍ଗିବା ସହ ଘର ଭିତରେ ପାଣି ପଶି ଆଶ୍ରମରେ ଥିବା ସାମଗ୍ରୀ ନଷ୍ଟ ହୋଇ ଯାଇଛି । ସରପଞ୍ଚ ମଧ୍ୟ ଘଟଣାସ୍ଥଳ ବୁଲି ଦେଖିଛନ୍ତି । ଏହି ଖବର ପାଇବା ପରେ ଜିଲା କଂଗ୍ରେସ ସଭାପତି ନଳିନୀ ମହାନ୍ତି, ଚାନ୍ଦବାଲି ବ୍ଲକ ସୁବାଶୀଷ ମଲିକ, ଦିଗମ୍ବର ଦାଶ, ଲକ୍ଷ୍ମୀ ମାଝୀ, ସୁଦର୍ଶନ ସ୍ୱାଇଁ, ଗଙ୍ଗାଧର ବାରିକ, ଭରତ ସୂତାର, ବସନ୍ତ ନାୟକ, ଅଭୟ ବିଶ୍ୱାଳ, ରମେଶ ବାରିକ ଓ ଶକ୍ତିପ୍ରସାଦ ବିଶ୍ୱାଳ ପ୍ରମୁଖ ଆଜି ଅପରାହ୍ନରେ ଘଟଣାସ୍ଥଳରେ ପହଂଚି ବିପନ୍ନ ମାନଙ୍କୁ ସମବେଦନା ଜଣାଇଛନ୍ତି । ତିହିଡିରୁ ସଞ୍ଜୟ ଦାସଙ୍କ ରିପୋର୍ଟ ଉତ୍କଳ ନ୍ୟୁଜ |
Read More ...

ଚାନ୍ଦବାଲି ବ୍ଲକ କଂଗ୍ରେସ ପକ୍ଷରୁ ସମ୍ବର୍ଦ୍ଧନା ସଭା |

କଟକ ( ଉତ୍କଳ ନ୍ୟୁଜ ) ୬-୦୪-୨୦୨୬ : ଭଦ୍ରକ ଜିଲ୍ଲା ଚାନ୍ଦବାଲି ବ୍ଲକ କଂଗ୍ରେସ ପକ୍ଷରୁ ସମ୍ବର୍ଦ୍ଧନା ଏକ ସଭା ଅନୁଷ୍ଠିତ ହୋଇ ଯାଇଛି । ଯୁବ କଂଗ୍ରେସ ଡାକରାରେ ଶତାଧିକ କଂଗ୍ରେସ କର୍ମୀ, ଛାତ୍ର କଂଗ୍ରେସ, ଯୁବକଂଗ୍ରେସ ଓ ମହିଳା କଂଗ୍ରେସ ସମସ୍ତ ଏକଜୁଟ ହୋଇ ଖେରଙ୍ଗ ବଜାର ଠାରୁ ଏକ ବିରାଟ ବାଇକ୍ ଶୋଭାଯାତ୍ରାରେ ବାହାରି ଚାନ୍ଦବାଲିସ୍ଥିତ ବିଜୁସ୍ମୃତି ଭବନ ଠାରେ ପହଂଚି ସେଠାରେ ନବ ନିଯୁକ୍ତ ବ୍ଲକ ସଭାପତି ସୁଭାଶିଷ ମଲ୍ଲିକଙ୍କ ଉଦେଶ୍ୟରେ ଓଡିଶା ପ୍ରଦେଶ କଂଗ୍ରେସ କମିଟିର ଛାତ୍ର ଉପସଭାପତି ଆଶିଷ କୁମାର ମାହୁନ୍ତଙ୍କ ସଭାପତିତ୍ୱରେ ସମ୍ବର୍ଦ୍ଧନା ସଭାର ପରିଚାଳନା କରା ଯାଇଥିଲା । ମୁଖ୍ୟ ଆକର୍ଷଣ ଥିଲେ ଓଡ଼ିଶା ପ୍ରଦେଶ କଂଗ୍ରେସ କମିଟିର ଯୁବ ସଭାପତି ରଂଜିତ ପାତ୍ର । ଭଦ୍ରକ ଜିଲ୍ଲା କଂଗ୍ରେସ ସଭାପତି ନଳିନୀକାନ୍ତ ମହାନ୍ତି, ଚାନ୍ଦବାଲି ନେତା ଦିଗମ୍ବର ଦାସ, ସତ୍ୟାନନ୍ଦ ରାଉତ, ମନୋଜ ବିଶ୍ୱାଳ, ଧାମନଗର ନେତା ଅଭିଷେକ ରାଉତ, ଦେବରୂପ ମହାନ୍ତି, ପୂର୍ବତନ ଛାତ୍ର ନେତା ବଳରାମ ରାଉତ, ପୂର୍ବତନ ବ୍ଲକ କଂଗ୍ରେସ ସଭାପତି କିଣୁରାମ ଯେନା, ରମେଶ ଚନ୍ଦ୍ର ନାୟକ, ଧୀରେନ୍ଦ୍ର କୁମାର ବେହେରା, ରାଧାକାନ୍ତ ପାଢ଼ୀ, ବଦ୍ରିନାଥ ନାୟକ, ଶକ୍ତିପ୍ରତାପ ବିଶ୍ୱାଳ, ଦିଗମ୍ବର ସାହୁ ଓ ଅନ୍ୟ ଯୁବକର୍ମୀଙ୍କ ସହଯୋଗରେ ପ୍ରଥମେ ପ୍ରଦୀପ ପ୍ରଜ୍ୱଳନ କରାଯାଇ ସଭାକାର୍ଯ୍ୟ ଆରମ୍ଭ ହୋଇଥିଲା ଏବଂ ମୁଖ୍ୟ ଅତିଥିଙ୍କ ସମେତ ନବ ନିଯୁକ୍ତ ବ୍ଲକ ସଭାପତି ଓ ନବ ନିଯୁକ୍ତ ବ୍ଲକ କମିଟିର ପଦାଧିକାରୀମାନଙ୍କୁ ସମ୍ବର୍ଦ୍ଧିତ କରା ଯାଇଥିଲା । ସୀତାଂଶୁ ନାୟକ, ଶରତ ଧଳ, ସୁରେନ୍ଦ୍ର ପାଢ଼ୀ, ଦୀପକ ଭୋଇ, ରାଜେଶ ସ୍ୱାଇଁ, ପୃଥ୍ୱୀରାଜ ନାୟକ, ସଂଗ୍ରାମ ଦାସ, ସୁରେନ୍ଦ୍ର ମହାନ୍ତି, ପ୍ରମିଳା ମାଝୀ, ଶ୍ରୀବାସ ଦାସ, ସୁକାନ୍ତ ଦାସ, ଦିଲ୍ଲୀପ ବିଶ୍ୱାଳ, ସୁରେନ୍ଦ୍ର ବିଶ୍ୱାଳ, ପ୍ରଫୁଲ୍ଲ ବାରିକ, ସୁବାସ ମହାଳିକ, ତାରାକାନ୍ତ ସେଠୀ, ପ୍ରତାପ ସାମଲ, ମହମ୍ମଦ ୟାକୁବ, ସୁଶାନ୍ତ ସ୍ୱାଇଁ, ଅର୍ଜୁନି ବେହେରା, ରମେଶ ଓଝା, ଚଗୁଲୁ ବେହେରା, ପ୍ରକାଶ ବେହେରା, ନିମାଇଁ ଦାସ, ଗଦାଧର ନାୟକ,ଶଶିକାନ୍ତ ନାୟକ, ଆଶିଷ କୁମାର ଜେନା, ରାଜେଶ ବେହେରା ପ୍ରମୁଖ ଏହି ସଭାକୁ ସରସ ସୁନ୍ଦର ଓ ସଫଳ କରାଇଥିବା ଯୁବବନ୍ଧୁ ଓ କର୍ମୀମାନେ ସଭାଟିକୁ ସଫଳ କରାଇଥିଲେ । ତିହିଡିରୁ ସଞ୍ଜୟ ଦାସଙ୍କ ରିପୋର୍ଟ ଉତ୍କଳ ନ୍ୟୁଜ |
Read More ...

ଚାନ୍ଦବାଲିରେ କନିକା-ଚାନ୍ଦବାଲି ବୈତରଣୀ ମହୋତ୍ସବ ୨୦୨୬ |

କଟକ ( ଉତ୍କଳ ନ୍ୟୁଜ ) ୦୧-୦୪-୨୦୨୬: ଆରମ୍ଭ ହୋଇଛି କନିକା-ଚାନ୍ଦବାଲି ବୈତରଣୀ ମହୋତ୍ସବ l ଚଳିତ ମାର୍ଚ୍ଚ ମାସ ୩୧ ତାରିଖରୁ ଏପ୍ରିଲ ୬ ତାରିଖ ପର୍ଯ୍ୟନ୍ତ ଏହି ମହୋତ୍ସବ ଚାଲିବ l ଚାନ୍ଦବାଲି ଦୁର୍ଗା ପଡିଆରେ ଆରମ୍ଭ ହୋଇଛି ଏହି ମହୋତ୍ସବ l ମହୋତ୍ସବର ପ୍ରଥମ ସନ୍ଧ୍ୟାରେ ପ୍ରଫେସର, ଡାକ୍ତର, ପରିବେଶବିତ, ଭଦ୍ରକ ଡ଼ିଏଫଓ ଆଦି ବହୁ ମାନ୍ୟଗଣ୍ୟ ବ୍ୟକ୍ତି ଯୋଗ ଦେଇଥିଲେ। ପ୍ରତିଦିନ ସନ୍ଧ୍ୟାରେ ରାଜ୍ୟ ତଥା ରାଜ୍ୟ ବାହାରୁ ପ୍ରତିଷ୍ଠିତ ସାଂସ୍କୃତିକ ଅନୁଷ୍ଠାନ ମାନଙ୍କ ଦ୍ୱାରା ଲୋକନାଟ୍ୟ, ଲୋକନୃତ୍ୟ, ଭଜନ ଓ ଓଡ଼ଶୀ ନୃତ୍ୟ କାର୍ଯ୍ୟକ୍ରମ ଅନୁଷ୍ଠିତ ହେବ l ପ୍ରତ୍ୟେକ ଦିନ ସମାଜସେବା, ସାହିତ୍ୟ, ଶିକ୍ଷା, ଗଣମାଧ୍ୟମ କ୍ଷେତ୍ରରେ ଖ୍ୟାତିଲାଭ କରିଥିବା ବ୍ୟକ୍ତି ବିଶେଷ ମାନଙ୍କୁ ସମ୍ବର୍ଦ୍ଧନା ଦିଆଯିବ ବୋଲି ଆୟୋଜକ କମିଟି ପକ୍ଷରୁ ସୂଚନା ମିଳିଛି। ତିହିଡିରୁ ସଂଜୟ ଦାସଙ୍କ ରିପୋର୍ଟ ଉତ୍କଳ ନ୍ୟୁଜ ।
Read More ...

ଶ୍ରୀରାମ ବିଜୟା ଦଶମୀ ଉପଲକ୍ଷେ ତିହିଡିରେ ବିଶାଳ କଳସ ଶୋଭାଯାତ୍ରା |

କଟକ ( ଉତ୍କଳ ନ୍ୟୁଜ ) ୨୭-୦୩-୨୦୨୬ : ଶ୍ରୀରାମ ବିଜୟା ଦଶମୀ ଉପଲକ୍ଷେ ଭଦ୍ରକ ଜିଲ୍ଲା ତିହିଡିରେ ବିଶାଳ କଳସ ଶୋଭାଯାତ୍ରା ଅନୁଷ୍ଠିତ ହୋଇଯାଇଛି । ମହିଳାଙ୍କ ସମେତ ଯୁବତୀ, ଯୁବକମାନେ ସାମିଲ ହୋଇଥିଲେ । ତିହିଡିସ୍ଥିତ ଶ୍ରୀରାମ ମନ୍ଦିର ନିକଟରୁ କଳାସ ଶୋଭାଯାତ୍ରାରେ ବାହାରି ମଙ୍ଗରାଜପୁର ଗ୍ରାମସ୍ଥିତ ହନୁମାନ ପୋଖରୀରେ ଜଳଲାଗି କରିଥିଲେ । ସେଠାରୁ ଶୋଭାଯାତ୍ରାରେ ବଜାର ପରିକ୍ରମା କରିବା ପରେ କଳସଗୁଡିକୁ ଯଜ୍ଞ ମଣ୍ଡପରେ ସ୍ଥାପନ କରା ଯାଇଥିଲା । ଯଜ୍ଞର କର୍ତ୍ତା ଭାବେ ଯଯାତି କେଶରୀ ଦାସ ଓ ଲିଜାରାଣୀ ଅଧିକାରୀ, ପୂଜକ ରଘୁନାଥ ଦାଶ ଦାୟିତ୍ୱ ନିର୍ବାହ କରୁଥିବା ବେଳେ ସମିତିର ସଭାପତି କିଶୋର କୁମାର ନାୟକ, ସରପଞ୍ଚ ଶୁଭ୍ର ନାରାୟଣ ସେଠୀ, ସମିତିସଭ୍ୟା ଜ୍ୟୋସ୍ନାରାଣୀ ଜେନା, ଡ. ଲଷ୍ମୀଧର ତ୍ରିପାଠୀ, ପି. ହୃଷିକେଶ, ବିଶ୍ୱଜିତ ବେହେରା, ଅଜୟ ନାୟକ, ସୀତାକାନ୍ତ ନାୟକ ଓ ପ୍ରଶାନ୍ତ ବଳ ପ୍ରମୁଖଙ୍କ ତତ୍ତ୍ୱାବଧାନରେ ଉକ୍ତ କଳସ ଶୋଭାଯାତ୍ରା ଅନୁଷ୍ଠିତ ହୋଇଥିଲା ।
ସୁବାଶିନୀ ବଳ, କ୍ଷୀରଲତା ନାୟକ, ମଞ୍ଜୁଲତା ମପା, ବିଜୟଲକ୍ଷ୍ମୀ ଦାସ, ଅନୁସୟା ବେହେରା, ଜ୍ୟୋସ୍ନାରାଣୀ ବେହେରା, ସାବିତ୍ରୀ ନାୟକ, ଅପର୍ଣ୍ଣା ବେହେରା, ସ୍ୱର୍ଣ୍ଣପ୍ରଭା ଦାସ, ମନୋରମା ପାତ୍ର ଶତାଧିକ ମହିଳା କଳସ ଶୋଭାଯାତ୍ରାରେ ସାମିଲ ହୋଇଥିଲେ । ଆସନ୍ତା ବିଜୟା ଦଶମୀରେ ବିଭିନ୍ନ ଅଞ୍ଚଳରୁ ପ୍ରଜ୍ଞାପନ ମେଢ ବର୍ଣ୍ଣାଢ୍ୟ ଶୋଭାଯାତ୍ରାରେ ବଜାର ପରିକ୍ରମା କରିବ ଯାହାକୁ ନେଇ ପ୍ରଶାସନ ପକ୍ଷରୁ ବ୍ୟାବକ ବ୍ୟବସ୍ଥା କରାଯାଇଛି । ତିହିଡିରୁ ସଞ୍ଜୟ ଦାସଙ୍କ ରିପୋର୍ଟ ଉତ୍କଳ ନ୍ୟୁଜ |
Read More ...

ଅନୁଷ୍ଠିତ ହେବାକୁ ଯାଉଛି ମା ହିଙ୍ଗୁଳା ଦେବିଙ୍କ ୯୬ ତମ ବିଶ୍ୱ ଶାନ୍ତି ମହାଯଜ୍ଞ ମହୋତ୍ସବ, ଏ ନେଇ ସାମ୍ବାଦିକ ସମ୍ମିଳନୀ |

କଟକ ( ଉତ୍କଳ ନ୍ୟୁଜ ) ୨୬-୦୩-୨୦୨୬ : ଜଗତ ଜନନୀ ବଟବୃକ୍ଷ ବାସିନୀ ମା ହିଙ୍ଗୁଳାଙ୍କ ନାମ ଯଜ୍ଞ ଉତ୍ସବ ପ୍ରତିବର୍ଷ ପରି ଚଳିତ ବର୍ଷ କୋରାଇ ନିର୍ବାଚନ ମଣ୍ଡଳୀ ଅନ୍ତର୍ଗତ ଶଙ୍ଖଚିଲା ଗ୍ରାମରେ ଆସନ୍ତା ୧.୪.୨୦୨୬ ତାରିଖରୁ ଆରମ୍ଭ ହୋଇ ୯.୪.୨୦୨୬ ରିଖ ରେ ଶେଷ ହେବ l ଅନେକ ବର୍ଷ ପୂର୍ବେ ମା ହିଙ୍ଗୁଳା ଙ୍କ ଅବ୍ରୀଭାବ ଏହି ଗ୍ରାମରେ ହୋଇଥିଲା l ସ୍ବର୍ଗୀୟ ହାଡୁ ଦାସଙ୍କ ବଳଦ ପିଠିରେ ମା ଆସି ଥିଲେ l ସ୍ୱପ୍ନାଦେଶ ପରେ ମା ଏହି ଗ୍ରାମର ଶେଷରେ ଥିବା ବଟବୃକ୍ଷରେ ବିରାଜମାନ ରହି ଦୀର୍ଘ ବର୍ଷ ପୂଜାପାଇ ଆସୁଛନ୍ତି l ମା" ଙ୍କ ପୂଜା ଅର୍ଚନା ଆରମ୍ଭ ଦିନ ଠାରୁ ସୂର୍ଯ୍ୟ ଅସ୍ତ ହେଲେ କାହାରି ଘରେ ଚୁଲି ଜଳେ ନାହିଁ କି କାହା ଘରେ ଆମିଷ ପସେନାହିଁ, ଏହି ପୂଜା ପର୍ଯ୍ୟାୟ କ୍ରମେ ନାମ ସଂକୀର୍ତ୍ତନରୁ ମହୋତ୍ସବରେ ପରିଣତ ହୋଇଛି, ଭକ୍ତ ମାନଙ୍କ ଆଗମନକୁ ଲକ୍ଷ କରି ମା ହିଙ୍ଗୁଳା ପୂଜା କମିଟି ପକ୍ଷରୁ ଚଳିତ ବର୍ଷ ବ୍ୟାପକ ପ୍ରସୂତି ଆରମ୍ଭ କରାଯାଇଛି l ଏହି ପୂଜାରେ ଶାନ୍ତି ଶୃଙ୍ଖଳାକୁ ବଜାୟ ରଖିବା ପାଇଁ କମିଟି ପକ୍ଷରୁ ଅନେକ ପଦକ୍ଷେପ ହାତକୁ ନେଇଛନ୍ତି l ଏହି ପୂଜା କୁ ସରସ ସୁନ୍ଦର କରିବା ପାଇଁ ଅଞ୍ଚଳ ବାସୀଙ୍କ ମନରେ ଭକ୍ତି ଭାବ ଭରି ରହିଛି l Byte 1,2,3
Read More ...

ରାଜ୍ୟସ୍ତରୀୟ ବିଶ୍ୱ ଯକ୍ଷ୍ମା ଦିବସ-୨୦୨୬ ପାଳିତ : ଯକ୍ଷ୍ମାମୁକ୍ତ ଭାରତ ଅଭିଯାନ ୨.୦ ର ଶହେ ଦିନିଆ କ୍ୟାମ୍ପେନ୍‌ର ଶୁଭାରମ୍ଭ |

କଟକ ( ଉତ୍କଳ ନ୍ୟୁଜ ) ୨୫-୦୩-୨୦୨୬ : ଲୋକସେବା ଭବନ ଠାରେ ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝୀଙ୍କ ଅଧ୍ୟକ୍ଷତାରେ ରାଜ୍ୟସ୍ତରୀୟ ବିଶ୍ୱ ଯକ୍ଷ୍ମା ଦିବସ-୨୦୨୬ ପାଳିତ ହୋଇଯାଇଛି ଏବଂ ଏହି ଅବସରରେ ଯକ୍ଷ୍ମାମୁକ୍ତ ଭାରତ ଅଭିଯାନ ୨.୦ ର ଶହେ ଦିନିଆ କ୍ୟାମ୍ପେନ୍‌ର ଶୁଭାରମ୍ଭ ମଧ୍ୟ ହୋଇଛି । ସୂଚନାଯୋଗ୍ୟ ଯେ, ରାଷ୍ଟ୍ରୀୟ ସ୍ତରରେ ଆଜି କେନ୍ଦ୍ରୀୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ଶ୍ରୀ ଜଗତ ପ୍ରକାଶ ନଡ୍ଡା ଯକ୍ଷ୍ମା ମୁକ୍ତ ଭାରତ: ଶହେ ଦିନିଆ ଅଭିଯାନ- ୨.୦ ର ଶୁଭାରମ୍ଭ କରିଛନ୍ତି । ଆଭାସୀ ମାଧ୍ୟମରେ ମୁଖ୍ୟମନ୍ତ୍ରୀ ଶ୍ରୀ ମାଝୀ ଲୋକସେବା ଭବନ ଠାରେ ଏହି କାର୍ଯ୍ୟକ୍ରମ ସହ ଯୋଡ଼ି ହୋଇଥିଲେ । ଏହି ଅବସରରେ ମୁଖ୍ୟମନ୍ତ୍ରୀ ଭୁବନେଶ୍ୱର’ର ସ୍ୱୀକୃତି ପ୍ରିୟଦର୍ଶିନୀ ବେହେରାଙ୍କୁ ଫୁଡ୍ ବାସ୍କେଟ୍ ପ୍ରଦାନ କରି ରାଜ୍ୟସ୍ତରୀୟ କ୍ୟାମ୍ପେନର ଶୁଭାରମ୍ଭ କରିଥିଲେ । ଭାରତ ସରକାରଙ୍କ ପକ୍ଷରୁ ଦେଶକୁ ଯକ୍ଷ୍ମାମୁକ୍ତ କରିବା ପାଇଁ ସମସ୍ତ ପଦକ୍ଷେପ ନିଆଯାଇଛି, ଆଗାମୀ ଶହେ ଦିନକୁ ଦୃଷ୍ଟିରେ ରଖି ଏଥିପାଇଁ ବେଷ୍ଟ ଷ୍ଟ୍ରାଟେଜି ପ୍ରସ୍ତୁତ କରାଯାଇଛି । ଆମେ କେବଳ ସ୍ଲୋଗାନ୍‌ରେ ସୀମିତ ରଖିନାହୁଁ, ଏଥିପାଇଁ ସମସ୍ତ ବ୍ୟବସ୍ଥା କରିଛୁ ବୋଲି ଆଜି କେନ୍ଦ୍ରୀୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ଶ୍ରୀ ଜଗତ ପ୍ରକାଶ ନଡ୍ଡା ରାଷ୍ଟ୍ରୀୟ କାର୍ଯ୍ୟକ୍ରମରେ କହିଥିଲେ। ଯକ୍ଷ୍ମା ରୋଗକୁ ସମ୍ପୂର୍ଣ୍ଣ ମୂଳୋତ୍ପାଟନ କରିବା ପାଇଁ ଜନସାଧାରଣମାନଙ୍କୁ ଆହ୍ୱାନ ଦେଇ ମୁଖ୍ୟମନ୍ତ୍ରୀ କହିଥିଲେ ଯେ, କେବଳ ସରକାରଙ୍କ ଚେଷ୍ଟା ଯଥେଷ୍ଟ ନୁହଁ, ଏଥିପାଇଁ ଜନ ଭାଗୀଦାରି ଆବଶ୍ୟକ । ଏହାଦ୍ୱାରା ଯକ୍ଷ୍ମାମୁକ୍ତ ଅଭିଯାନ ଶତ ପ୍ରତିଶତ ସଫଳତା ହାସଲ କରିବ ଏବଂ ଓଡ଼ିଶା ଓ ଦେଶରୁ ଯକ୍ଷ୍ମା ରୋଗ ସମ୍ପୂର୍ଣ୍ଣ ଭାବରେ ମୂଳୋତ୍ପାଟନ ହେବ । ରାଜ୍ୟର ସମସ୍ତ ଲୋକପ୍ରତିନିଧିଙ୍କୁ ନିଜ ନିଜ ଅଞ୍ଚଳରେ ସଚେତନତା କାର୍ଯ୍ୟକ୍ରମ ଆୟୋଜନ କରି ଏହି ରୋଗ ସମ୍ପର୍କରେ ଥିବା ଅନ୍ଧବିଶ୍ୱାସକୁ ଦୂର କରିବା ପାଇଁ ମୁଖ୍ୟମନ୍ତ୍ରୀ ଅନୁରୋଧ କରିବା ସହ ବିଭିନ୍ନ ସ୍ୱୟଂ ସହାୟକ ଗୋଷ୍ଠୀ, ସିଭିଲ୍ ସୋସାଇଟି ଏବଂ ଶିକ୍ଷାନୁଷ୍ଠାନ ଗୁଡ଼ିକୁ ଏହି ଅଭିଯାନରେ ସାମିଲ ହେବା ପାଇଁ କହିଥିଲେ । କାହିଁକି ଓଡ଼ିଶାବାସୀଙ୍କୁ ଆୟୁଷ୍ମାନ ଭାରତ ଯୋଜନାରୁ ବଞ୍ଚିତ କରାଯାଇଥିଲା ଏବଂ ଦେଶର ପ୍ରାୟ ୩୨ ହଜାର ହସ୍‌ପିଟାଲରେ ଚିକିତ୍ସିତ ହେବାର ଅଧିକାରକୁ କାହିଁକି ଛଡ଼ାଇ ନିଆଯାଇଥିଲା ବୋଲି ମୁଖ୍ୟମନ୍ତ୍ରୀ ନିଜ ଅଭିଭାଷଣରେ ପୂର୍ବ ସରକାରଙ୍କୁ ପ୍ରଶ୍ନ କରିଥିଲେ । ସେ କହିଥିଲେ ଯେ, ସ୍ୱାସ୍ଥ୍ୟ ସେବା କ୍ଷେତ୍ରକୁ ଆମ ସରକାର ପ୍ରାଥମିକତା ଦେଇ ଆସିଛି । ୨୦୨୬-୨୭ ବର୍ଷ ପାଇଁ ଆମର ସ୍ୱାସ୍ଥ୍ୟ ବଜେଟ ୨୩ ହଜାର ୧୮୨ କୋଟି ଟଙ୍କା ରଖାଯାଇଛି, ଯାହାକି ସମ୍ପୂର୍ଣ୍ଣ ବଜେଟ ଅଟକଳର ୭.୫ ପ୍ରତିଶତ ଏବଂ ମୋଟ ରାଜ୍ୟ ଘରୋଇ ଉତ୍ପାଦ (GSDP)ର ୨.୧ ପ୍ରତିଶତ । ରାଜ୍ୟର ବିଭିନ୍ନ ସ୍ୱାସ୍ଥ୍ୟ ଭିତ୍ତିଭୂମିର ସମ୍ପ୍ରସାରଣ ଓ ଆଧୁନିକୀକରଣ ପାଇଁ ମୁଖ୍ୟମନ୍ତ୍ରୀ ସ୍ୱାସ୍ଥ୍ୟସେବା ମିଶନ୍ ଏକ ପ୍ରମୁଖ କାର୍ଯ୍ୟକ୍ରମ ହୋଇଛି । ଜାତୀୟ ସ୍ୱାସ୍ଥ୍ୟ ମିଶନ୍, ନିରାମୟ, ନିଦାନ ଆଦି କାର୍ଯ୍ୟକ୍ରମ ଜରିଆରେ ବିଭିନ୍ନ ସ୍ୱାସ୍ଥ୍ୟସେବା ଓ ରୋଗ ନିରୂପଣ ସେବା ମାଗଣାରେ ଯୋଗାଇ ଦିଆଯାଉଛି । ଓଡ଼ିଶାର ପ୍ରତ୍ୟେକ ନାଗରିକ ଯେପରି ବିନା ଚିନ୍ତାରେ, ବିନା ଆର୍ଥିକ ବୋଝରେ ଉନ୍ନତମାନର ସ୍ୱାସ୍ଥ୍ୟ ସେବା ପାଇପାରିବ, ସେଥିପାଇଁ ଆମର ନିରନ୍ତର ଉଦ୍ୟମ ଜାରି ରହିବ ବୋଲି ମୁଖ୍ୟମନ୍ତ୍ରୀ କହିଥିଲେ । କାର୍ଯ୍ୟକ୍ରମରେ ରାଜ୍ୟ ସ୍ୱାସ୍ଥ୍ୟ ମନ୍ତ୍ରୀ ଡ. ମୁକେଶ ମହାଲିଙ୍ଗ ଯକ୍ଷ୍ମା ରୋଗ ବିରୋଧରେ ଓଡ଼ିଶାର ସ୍ୱାସ୍ଥ୍ୟସେବା ଏବଂ ସ୍ୱାସ୍ଥ୍ୟ ବିଭାଗର ତ୍ୱରିତ ପଦକ୍ଷେପ ବିଷୟରେ ଆଲୋକପାତ କରିବା ସହିତ ଗ୍ରାମାଞ୍ଚଳ ଓ ଅପହଞ୍ଚ ଅଞ୍ଚଳ ମାନଙ୍କରେ ଏହି ରୋଗ ବିରୁଦ୍ଧରେ ଅଭିଯାନକୁ ବିଶେଷ ରୂପେ ଧ୍ୟାନ ରଖାଯିବ ବୋଲି କହିଥିଲେ । ରାଜ୍ୟସ୍ତରୀୟ କାର୍ଯ୍ୟକ୍ରମରେ ସ୍ୱାସ୍ଥ୍ୟବିଭାଗ କମିଶନର ତଥା ଶାସନ ସଚିବ ଶ୍ରୀମତୀ ଅଶ୍ୱତି ଏସ୍. ସ୍ୱାଗତ ଭାଷଣ ଦେଇଥିବା ବେଳେ ଜନସ୍ୱାସ୍ଥ୍ୟ ବିଭାଗ ନିର୍ଦ୍ଦେଶକ ଡ. ନୀଳକଣ୍ଠ ମିଶ୍ର ଧନ୍ୟବାଦ ଦେଇଥିଲେ । ଏହି ଅବସରରେ ଆଭାସୀ ମାଧ୍ୟମରେ ରାଜ୍ୟର ସମସ୍ତ ଜିଲ୍ଲା ଯୋଡ଼ି ହୋଇ ଏହି ଦିବସକୁ ପାଳନ କରିଥିଲେ ।
Read More ...

ଚୌଦ୍ବାର ରେ ଭାଗବତ କର୍ମୀ ସମ୍ମିଳନୀ ଅନୁଷ୍ଠିତ |

କଟକ ( ଉତ୍କଳ ନ୍ୟୁଜ ) ୨୪-୦୩-୨୦୨୬ : ଟାଙ୍ଗୀ ଚୌଦ୍ବାର ହରିଅନ୍ତା ଗ୍ରା ପ ଅଧିନ ନିମାପଡା ଭାଗବତ ପ୍ରକୋଷ୍ଠ ରେ ଏକ ଭାଗବତ ପ୍ରତିନିଧିଙ୍କ ସମ୍ମିଳନୀରେ ସିଦ୍ଧଗିରି ମହନ୍ତ ବିଶ୍ବନାଥ ମହାରାଜ ଙ୍କ ଉଦ୍ଘାଟନୀ ରେ ମୁଖ୍ୟଅତିଥି ରୋଟରୀୟନ୍ ବିଶ୍ବନାଥ ପଣ୍ଡା ଓ ସମାଜ ସେବୀ ମୁଖ୍ୟବକ୍ତା ବିଷ୍ଣୁ ଚରଣ ପରିଡା ଯୋଗ ଦେଇ ଥିଲେ ଟାଙ୍ଗୀ ଚୌଦ୍ବାର ବିଭିନ୍ନ ପଂଚାୟତ ର ଭାଗବତ ପ୍ରତିନିଧି ଓ ମାନ୍ୟ ଗଣ ବ୍ୟକ୍ତି ଙ୍କୁ ନେ଼ଇ ନାନା ବିଦ୍ଧ କାର୍ଯ୍ୟକ୍ରମକୁ ଅନୁଷ୍ଠାନର ସତ୍ୟ ସନାତନ ଭାଗବତ ପ୍ରଚାର ସମିତି ର ସଭାପତି ଉତ୍କଳ ପ୍ରତିଭା ସିଦ୍ଧେଶ୍ୱର ନାୟକ ଙ୍କ ପ୍ରତ୍ୟକ୍ଷ ତତ୍ତ୍ୱlବଧାନରେ ଗୀତା ପାଠ ଭାଗବତ ପଠନ ନାମ ସଂକୀର୍ତ୍ତନ ସହିତ ପଣ୍ଡିତ ଅକ୍ଷୟ କୁମାର ପାଢ଼ୀ ବେଦ ମନ୍ତ୍ର ଆବୃତ୍ତି କରିଥଲେ ବରେଣ୍ୟ ଅତିଥି ଭାବେ ସମାଜ ସେବୀ ପ୍ରକାଶ ବଡଜେନା, ଅଶୋକକୁମାର ନାୟକ, ସୁଭେନ୍ଦ୍ର ନାଥ ଷଡ଼ଙ୍ଗୀ, ହୁର୍ଶିକେଶ ମହାନ୍ତି ପରମା ନନ୍ଦ ସାହୁ ପ୍ରମୁଖ ସାର ଗର୍ଭକ ଭାଗବତ ସମ୍ବଧିଅ ସାରମର୍ମ ବକ୍ତବ୍ୟ ପ୍ରଦାନ କରିଥିଲେ ବିଭିନ୍ନ ଅନୁଷ୍ଠାନର ମୁରବିଙ୍କୁ ସସମ୍ବର୍ଦ୍ଧିତ କରାଯାଇ ମିଳିତ ନାମ ସଂକୀର୍ତ୍ତନ କରାଯାଇଥିଲା
ପରିଚାଳନା ରେ ରଂଜନ ବିଶ୍ୱାଳ, ରଘୁ ନାଥ ଦାସ୍, ସୁବାସ ମହାରଣା, ବିଜୟ ସ୍ୱାଇଁ, ସୁମନ୍ତ ମହାନ୍ତି କେଶବ ଖିଲାର, ପର୍ଶୁରାମ ରାଉତ ପ୍ରମୁଖ ସହଯୋଗ କରୁଥିଲେ। ସଭା ଶେଷ ରେ ମାନସ କୁମାର ସାହୁ ଧନ୍ୟବାଦ ଅର୍ପଣ କରିଥିଲେ।
Read More ...

ଚାରିତରଫ ମଣ୍ଡିରେ ପଡିରହିଛି ୮ ହଜାର କ୍ୱିଣ୍ଟାଲ ଧାନ , ମିଲରଙ୍କ ଅସହଯୋଗ ପ୍ରତିବାଦରେ ଉତ୍ୟକ୍ତ ଚାଷୀଙ୍କ ଭଦ୍ରକ-ଚାନ୍ଦବାଲି ରାସ୍ତା ଅବରୋଧ |

କଟକ ( ଉତ୍କଳ ନ୍ୟୁଜ ) ୨୦-୦୩-୨୦୨୬ : ଭଦ୍ରକ ଜିଲ୍ଲା ତିହିଡି ବ୍ଲକ ଅଧିନ ଚାରିତରଫ ସେବା ସମିତି ମଣ୍ଡିରେ ୮ ହଜାର କ୍ୱିଣ୍ଟାଲରୁ ଉର୍ଦ୍ଧ ଧାନ ପଡି ରହିଛି । ଆସନ୍ନ କାଳବୈଶାଖି ଭୟରେ କାତର ହୋଇ ଗଲେଣି ମଣ୍ଡିର କର୍ମକର୍ତ୍ତା । ମିଲରମାନେ ଧାନ ଲିପ୍ଟିଂ କରୁ ନାହାଁନ୍ତି । ପଚାରିଲେ ଆଜିକାଲି କହି ଟାଳି ଚାଲୁଛନ୍ତି । ସେପଟରେ ମିଲର ଅଥବା ପ୍ରଶାସନ ପକ୍ଷରୁ ମିଳୁନି ସନ୍ତୋଷ ଜନକ ଉତ୍ତର । ପ୍ରଶାସନିକ ଅଧିକାରୀଙ୍କ ନିକଟକୁ ଦୌଡି ଦୌଡି ସମିତିର ସମ୍ପାଦକ ହାଲିଆ ହୋଇ ଗଲେଣି । ବାରମ୍ବାର ଅଭିଯୋଗ ସତ୍ୱେ କର୍ଣ୍ଣପାତ କରୁନଥିବାରୁ ଶେଷରେ ନିରୁପାୟ ହୋଇ ଶୁକ୍ରବାର ସକାଳେ ଭଦ୍ରକ-ଚାନ୍ଦବାଲି ରାଜପଥରେ ଧାନ ବସ୍ତା ଚାଷୀମାନେ ଆନ୍ଦୋଳନ କରିଛନ୍ତି । ମଣ୍ଡିରୁ ଧାନ ଲିପ୍ଟିଂ କରାନଯିବା ପର୍ଯ୍ୟନ୍ତ ଏହି ଆନ୍ଦୋଳନ ଚାଲୁ ରହିବ ବୋଲି ଚେତାବନି ଦେଇଛନ୍ତି । ମଣ୍ଡି ସମ୍ମୁଖରେ ରାସ୍ତା ଅବରୋଧ ହୋଇଥିବା ବେଳେ ଅନୁରୂପଭାବେ ଗଦିବଜାରରେ ତିନିଛକି ରାସ୍ତାକୁ ମଧ୍ୟ ଅବରୋଧ କରାଯାଇଥିଲା । ମିଳିଥିବା ସୂଚନା ଅନୁଯାଇ, ଏହି ସମିତିରେ ମୋଟ୍ ୭୦୬ ଜଣ ଚାଷୀ ଧାନ ବିକିବା ଲାଗି ପଞ୍ଜିକରଣ କରିଛନ୍ତି । ଏଯାବତ ମଣ୍ଡି ପକ୍ଷରୁ ୧୮, ୫୯୩ କ୍ୱିଣ୍ଟାଲ ଧାନ କିଣା ଯାଇଥିବା ବେଳେ ଲିପ୍ଟିଂ ହୋଇଛି ମାତ୍ର ୧୦, ୭୭୦ କ୍ୱିଣ୍ଟାଲ । ପିଏନ ଆଗ୍ରୋ ରାଇସ୍ ମିଲ ୯୧୦୯ କ୍ୱିଣ୍ଟାଲ ଧାନ ନେବାକୁ ଥିବାବେଳେ ନେଇଛି ମାତ୍ର ୫୬୦୫ କ୍ୱିଣ୍ଟାଲ । ଅଦିତି ରାଇସ୍ ମିଲ ୬୦୮୧ କ୍ୱିଣ୍ଟାଲ ଧାନ ନେବାକୁ ଥିବାବେଳେ ନେଇଛି ମାତ୍ର ୩୬୦୯ କ୍ୱିଣ୍ଟାଲ । ସେହିପରି ସମ୍ବଲପୁରର ଦୁଇଟି ମିଲ ୩୫୭୨ କ୍ୱିଣ୍ଟାଲ ଧାନ ନେବାକୁ ଥିବାବେଳେ ନେଇଛନ୍ତି ମାତ୍ର ୧୫୫୫ କ୍ୱିଣ୍ଟାଲ ଧାନ । ଦୀର୍ଘ ୪ ଘଣ୍ଟାକାଳ ରାଜପଥ ଅବରୋଧ ହୋଇଥିଲା । ଫଳରେ ରାସ୍ତାର ଉଭୟ ପାଶ୍ୱର୍ରେ ଶତାଧିକ ଯାନବାହାନ ଚଳାଚଳ ବନ୍ଦ ରହିଥିଲା । ଯାତ୍ରୀମାନେ ନାହିଁନଥିବା ସମସ୍ୟାରେ ସମ୍ମୁଖିନ ହୋଇଥିଲେ । ଚାରିତରଫ ଗ୍ରାମ ନିକଟରୁ ଗଦିବଜାର ପର୍ଯର୍୍ୟନ୍ତ ଲୋକେ ଚାଲିଚାଲି ଯାଉଥିବାର ପରିଲକ୍ଷିତ ହୋଇଛି ।
ସମିତିର ସଭାପତି ବସନ୍ତ କୁମାର ନାୟକଙ୍କ ନେତୃତ୍ୱରେ ସୁଦର୍ଶନ ସ୍ୱାଇଁ, ସନ୍ଥଚରଣ ବିଶ୍ୱାଳ, ମୁକ୍ତିକାନ୍ତ ନାୟକ, ଚୈତନ୍ୟ ସେଠୀ, ବିଚିତ୍ର ବଳ, ପ୍ରହ୍ଲାଦ ମହାକୁଡ, ବଟକୃଷ୍ଣ ନାୟକ, ଭାଷ୍କର ମହାକୁଡ, ପ୍ରଫୁଲ ସ୍ୱାଇଁ, ସୁବାଶ ଚନ୍ଦ୍ର ସ୍ୱାଇଁ, ପ୍ରଭାତ ବିଶ୍ୱାଳ, ଆନନ୍ଦ ଚରଣ ପାଣିଗ୍ରାହୀ, ପ୍ରଶାନ୍ତ ବିଶ୍ୱାଳ, ମିଲନ କୁମାର ନାୟକ, ସନାତନ ବାରିକ, ଦେବେନ୍ଦ୍ର କୁମାର ଦାସ, ସୁଦର୍ଶନ ବିଶ୍ୱାଳ, ଶୁସାନ୍ତ କୁମାର ସ୍ୱାଇଁ ପ୍ରମୁଖ ଶତାଧିକ ଚାଷୀ ଉକ୍ତ ରାସ୍ତାରୋକରେ ସାମିଲ ହୋଇଥିଲେ । ପରେ ତହସିଲଦାର ଜୟଦ୍ରଥ ଆଚାର୍ଯ୍ୟ ଘଟଣା ସ୍ଥଳରେ ପହଁଞ୍ôଚ ଉତ୍ୟକ୍ତ ଚାଷୀଙ୍କୁ ବୁଝାସୁଝା କରିଥିଲେ । ମିଲରମାନଙ୍କ ସହିତ କଥା ହେବାପରେ ପର୍ଯ୍ୟାୟକ୍ରମେ ଧାନ ଲିପ୍ଟିଂ କରାଯିବ ବୋଲି ପ୍ରତିଶୃତି ଦେବାପରେ ରାସ୍ତାରୋକ ଆନ୍ଦୋଳନ ପ୍ରତ୍ୟାହୃତ ହୋଇଥିଲା । ତିହିଡିରୁ ସଞ୍ଜୟ ଦାସଙ୍କ ରିପୋର୍ଟ ଉତ୍କଳ ନ୍ୟୁଜ |
Read More ...

ମହିଳାମାନଙ୍କୁ ଗର୍ଭାଶୟ କର୍କଟରୁ ସୁରକ୍ଷା ନିମନ୍ତେ ଜିଲ୍ଲାସ୍ତରୀୟ HPV ଟୀକାକରଣ ସଚେତନତା କାର୍ଯ୍ୟକ୍ରମ ଅନୁଷ୍ଠିତ|

କଟକ ( ଉତ୍କଳ ନ୍ୟୁଜ ) ୧୯-୦୩-୨୦୨୬ : ମହିଳାମାନଙ୍କୁ ମାରାତ୍ମକ ଗର୍ଭାଶୟ କର୍କଟରୁ ସୁରକ୍ଷା ଦେବା ଉଦ୍ଦେଶ୍ୟରେ ଜିଲ୍ଲା ପ୍ରଶାସନ ପକ୍ଷରୁ HPV (Human Papillomavirus) ଟୀକାକରଣ ସମ୍ବନ୍ଧୀୟ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହି ପରିପ୍ରେକ୍ଷୀରେ ଖ୍ୟାତନାମା ପର୍ବତାରୋହୀ ସମୀରା ଖାନ ଯୋଗ ଦେଇ ସଚେତନତା ବାର୍ତ୍ତା ଦେଇଛନ୍ତି । ସେ ନିଜ ବାର୍ତ୍ତାରେ କହିଛନ୍ତି ଯେ, ପୁରୁଷକୈନ୍ଦ୍ରିକ ସମାଜରେ ନାରୀମାନଙ୍କୁ ମନୋବଳ ଦୃଢ କରିବା ସହ ଶାରିରୀକ ଭାବେ ସୁସ୍ଥ ରହିବା ଆବଶ୍ୟକ । ସେଥିନିମନ୍ତେ ଗୋଟିଏ ଡୋଜ୍‌ HPV ଟୀକା ନେଲେ ମହିଳାମାନଙ୍କୁ ବହୁପରିମାଣରେ ଗର୍ଭାଶୟ କର୍କଟରୁ ସୁରକ୍ଷା ଦିଆଯାଇପାରିବ । ଏହି ଅବସରରେ ଅତିରିକ୍ତ ନିର୍ଦ୍ଦେଶିକା ସିଟି ହସପିଟାଲ ଡଃ ରଞ୍ଜନା ଭଣ୍ଡାରି ଗର୍ଭାଶୟ କର୍କଟର ଲକ୍ଷଣ, ଏଚପିଭି ଟୀକା ଦ୍ଵାରା ନିରାକରଣ, ଟୀକାକାରଣର ପରବର୍ତ୍ତୀ ଲକ୍ଷଣ ଗୁଡିକ ବିଷୟରେ ଅବଗତ କରାଇବା ସହ ଉପସ୍ଥିତ ଆଶାକର୍ମୀ ଓ ଅଙ୍ଗନବାଡି କର୍ମୀମାନଙ୍କୁ ଏ ସମ୍ପର୍କରେ ଲୋକମାନଙ୍କୁ ସଚେତନ କରାଇବାକୁ କହିଥିଲେ। କାର୍ଯ୍ୟକ୍ରମରେ ସମାଜ ମଙ୍ଗଳ ଅଧିକାରୀ ଶ୍ରୀମତୀ ସଂଗୀତା ପାଢୀ କହିଛନ୍ତି ଯୋଗଦେଇ ମହିଳାମାନଙ୍କ ସ୍ୱାସ୍ଥ୍ୟ ରକ୍ଷା ଆମ ସମସ୍ତଙ୍କର ପ୍ରାଥମିକତା ବୋଲି କହିବା ସହ ଅଭିଭାବକମାନେ ନିଜ ଘରେ ଥିବା ମହିଳାମାନଙ୍କୁ ଟୀକା ଦେବାକୁ ଆଗେଇ ଆସିବାକୁ ଅନୁରୋଧ କରିଥିଲେ ।
ଏହି ଅବସରରେ ଏକ ସାଇକେଲ ରାଲିର ଆୟୋଜନ କରଯାଇଥିଲା । ଏଠାରେ ସୂଚନାଯୋଗ୍ୟ U-WIN ପୋର୍ଟାଲରେ ପଞ୍ଜୀକରଣ ମାଧ୍ୟମରେ ଟିକାକରଣ ସୁବିଧା ଉପଲବ୍ଧ ହେଉଛି, ଯାହା ଦ୍ୱାରା ୧୪ ବର୍ଷରୁ ଊର୍ଦ୍ଧ୍ଵ ସହଜରେ ମହିଳାମାନେ ଟିକା ନେଇପାରିବେ । ଏହି କାର୍ଯ୍ୟକ୍ରମରେ ଅତିରିକ୍ତ ଜିଲ୍ଲା ସମାଜ ମଙ୍ଗଳ ଅଧିକାରୀ ଶ୍ରୀମତୀ ବବିତା ଜେନାଙ୍କ ସମେତ ଅଙ୍ଗନବାଡି କର୍ମୀ, ଆଶା କର୍ମୀ, କିଶୋରୀ ବାଳିକାମାନେ ଉପସ୍ଥିତ ଥିଲେ ।
Read More ...

କଟକରେ ଶ୍ରୀ ଜଗନ୍ନାଥ ଦର୍ଶନ ଯୋଜନାର ଶୁଭାରମ୍ଭ: ୨୮୬ ଜଣ ଶ୍ରଦ୍ଧାଳୁ କଲେ ଶ୍ରୀମୁଖ ଦର୍ଶନ |

କଟକ ( ଉତ୍କଳ ନ୍ୟୁଜ ) ୧୯-୦୩-୨୦୨୬ : ଜଗନ୍ନାଥପ୍ରେମୀମାନଙ୍କୁ ଏକ ଭାବପୂର୍ଣ୍ଣ ଆଧ୍ୟାତ୍ମିକ ଅନୁଭୂତି ଦେବା ଲକ୍ଷ୍ୟରେ ରାଜ୍ୟ ସରକାରଙ୍କ ପକ୍ଷରୁ ଆରମ୍ଭ କରାଯାଇଥିବା ଶ୍ରୀ ଜଗନ୍ନାଥ ଦର୍ଶନ ଯୋଜନା ଅଧୀନରେ ଆଜି ଜିଲ୍ଳାର ୨୮୬ ଜଣ ଶ୍ରଦ୍ଧାଳୁ ପୁରୀ ଯାଇ ଶ୍ରୀଜଗନ୍ନାଥଙ୍କ ଦର୍ଶନ କରିଛନ୍ତି । କଟକ ଜିଲ୍ଲା ପ୍ରଶାସନ ପକ୍ଷରୁ ଜିଲ୍ଲାର ୧୪ଟି ଯାକ ବ୍ଲକରୁ ଚୟନ ହୋଇଥିବା ୨୯୬ ଜଣ ତୀର୍ଥଯାତ୍ରୀ ଆଜି ଓଡିଶା ରାଜ୍ୟ ସଡକ ପରିବହନ ନିଗମ ପକ୍ଷରୁ ଯୋଗାଇ ଦିଆଯାଇଥିବା ୮ଟି ସ୍ୱତନ୍ତ୍ର ଏସି ବସ୍ ଯୋଗେ ପୁରୀ ଅଭିମୁଖେ ଯାତ୍ରା କରିଥିଲେ । ଏହି ଅବସରରେ କଟକ ଇଣ୍ଡୋର ଷ୍ଟାଡିୟମଠାରେ ଆୟୋଜିତ ଏକ ସ୍ୱତନ୍ତ୍ର କାର୍ଯ୍ୟକ୍ରମରେ ବାରବାଟୀ କଟକ ବିଧାୟିକା ଇଂ ସୋଫିଆ ଫିରଦୋସ୍ ପତାକା ଦେଖାଇ ଏହି ଯାତ୍ରାର ଶୁଭାରମ୍ଭ କରିଥିଲେ । ଏହି ଅବସରରେ ଅତିରିକ୍ତ ଜିଲ୍ଳାପାଳ ଡଃ ଇପ୍ସିତା ପ୍ରିୟଦର୍ଶିନୀ ମିଶ୍ର, ଉପନିର୍ଦ୍ଦେଶକ, ଜିଲ୍ଳା ପର୍ଯ୍ୟଟନ ବିଭାଗ ଶ୍ରୀମତୀ ସୁଜାତା ପଟ୍ଟନାୟକ ପ୍ରମୁଖ ଉପସ୍ଥିତ ଥିଲେ ।୬୦ ବର୍ଷରୁ ଉର୍ଦ୍ଧ୍ୱ ବରିଷ୍ଠ ନାଗରିକ, ବିଶେଷକରି ବୃଦ୍ଧ, ବୃଦ୍ଧା ଓ ବିଧବା ମହିଳାମାନଙ୍କୁ ପ୍ରାଥମିକତା ଭିତିରେ ପ୍ରଥମ ପର୍ଯ୍ୟାୟରେ ଜଗନ୍ନାଥ ଦର୍ଶନରେ ସାମିଲ କରାଯାଇଛି । ଶ୍ରଦ୍ଧାଳୁମାନଙ୍କ ଯାତାୟତ, ରହିବା ଓ ଖାଦ୍ୟର ସମସ୍ତ ଖର୍ଚ୍ଚ ରାଜ୍ୟ ସରକାର ବହନ କରୁଛନ୍ତି । ଶ୍ରଦ୍ଧାଳୁମାନେ ପହଂଚିବା ପରେ ସେମାନଙ୍କ ପଞ୍ଜିକରଣ ଓ ସ୍ୱାସ୍ଥ୍ୟ ପରୀକ୍ଷା କରାଯାଇଥିଲା ।
ପରେ ସେମାନଙ୍କୁ ପୁରୀ ନିଆଯାଇ ଶ୍ରୀମନ୍ଦିରରେ ଭିତର କାଠ ଦର୍ଶନ ଓ ମାଗଣାରେ ମହାପ୍ରସାଦ ସେବନର ମଧ୍ୟ ସୁଯୋଗ ମିଳିଛି । ଶ୍ରଦ୍ଧାଳୁମାନଙ୍କ ସୁରକ୍ଷା ଓ ସ୍ୱାସ୍ଥ୍ୟକୁ ଦୃଷ୍ଟିରେ ରଖି ପ୍ରତ୍ୟେକ ବସରେ ଜଣେ ଲେଖାଏଁ ପାରାମେଡିକ କର୍ମଚାରୀ ଏବଂ ଦୁଇ ଜଣ ଲେଖାଏଁ ଏସକର୍ଟମାନଙ୍କୁ ଦାୟିତ୍ୱ ଦିଆଯାଇଥିଲା, ଯାହା ଏହି ଯାତ୍ରାକୁ ଭୟମୁକ୍ତ ଓ ଆରାମଦାୟକ କରିଛି । ଶ୍ରଦ୍ଧାଳୁମାନଙ୍କୁ ନିଜ ନିଜ ସ୍ଥାନରୁ ବସ୍ ଯୋଗେ ପୁରୀ ନେଇ ଦର୍ଶନ କରାଇବା ପରେ ପୁଣି ନିଜ ନିଜ ସ୍ଥାନରେ ଛାଡିବା ପର୍ଯ୍ୟନ୍ତ ସମସ୍ତ ଖର୍ଚ୍ଚ ରାଜ୍ୟ ସରକାର ବହନ କରିଛନ୍ତି ।
Read More ...

ଜିଲ୍ଳାପାଳଙ୍କ ଯୁଗ୍ମ ଜନ ଅଭିଯୋଗ ଶୁଣାଣି ଅନୁଷ୍ଠିତ |

କଟକ ( ଉତ୍କଳ ନ୍ୟୁଜ ) ୧୭-୦୩-୨୦୨୬ : କଟକ ଜିଲ୍ଳାପାଳଙ୍କ କାର୍ଯ୍ୟାଳୟସ୍ଥିତ ଓସୱାନ୍ କକ୍ଷଠାରେ ଆଜି ଜିଲ୍ଲାପାଳଙ୍କ ଯୁଗ୍ମ ଜନ ଅଭିଯୋଗ ଶୁଣାଣି ଅନୁଷ୍ଠିତ ହୋଇଯାଇଛି । ଜିଲ୍ଲାପାଳ ଓ ଜିଲ୍ଲା ମାଜିଷ୍ଟ୍ରେଟ ଶ୍ରୀ ଦତ୍ତାତ୍ରୟ ଭାଉସାହେବ ଶିନ୍ଦେଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ଜନ ଅଭିଯୋଗ ଶୁଣାଣିରେ ସମୁଦାୟ ୯୩ଟି ଅଭିଯୋଗ ହସ୍ତଗତ ହୋଇଥିଲା । ତନ୍ମଧ୍ୟରେ ଟି ୯୧ଟି ବ୍ୟକ୍ତିଗତ ଅଭିଯୋଗ ଏବଂ ୨ଗୋଟି ସାମୁହିକ ଅଭିଯୋଗ ରହିଥିଲା । ଅଭିଯୋଗ ଶୁଣାଣି ଶିବିରରେ ୩ଟି ଅଭିଯୋଗର ତ୍ୱରିତ ସମାଧାନ ନିମନ୍ତେ ବିହିତ ପଦକ୍ଷେପ ଗ୍ରହଣ କରାଯାଇଥିଲା । ଏହି ଅଭିଯୋଗ ଶୁଣାଣି କାଳରେ ପୁଲିସ ଆରକ୍ଷୀ ଅଧିକ୍ଷକ ଶ୍ରୀ ବିନୀତ ଅଗ୍ରୱାଲ, ଅତିରିକ୍ତ ଜିଲ୍ଲାପାଳ ଶ୍ରୀ କମଲଜିତ୍ ଦାସ, ଜିଲ୍ଲା ପରିଷଦ ମୁଖ୍ୟ ଉନ୍ନୟନ ଅଧିକାରୀ ତଥା ନିର୍ବାହୀ ଅଧିକାରୀ ଶ୍ରୀ ପ୍ରଶାନ୍ତ କୁମାର ନାୟକ, କଟକ ସଦର ଉପଜିଲ୍ଳାପାଳ ଶ୍ରୀ ଦିବ୍ୟଜ୍ୟୋତି ସ୍ମୃତିରଞ୍ଜନ ଦେଓ , ଜିଲ୍ଲା ମୁଖ୍ୟ ଚିକିତ୍ସା ଓ ଜନସ୍ୱାସ୍ଥ୍ୟ ଅଧିକାରୀ ଡ. ପ୍ରଶାନ୍ତ କୁମାର ହୋତାଙ୍କ ସମେତ ଅନ୍ୟାନ୍ୟ ବିଭାଗୀୟ ଅଧିକାରୀମାନେ ଉପସ୍ଥିତ ଥିଲେ । ଭତ୍ତା ତଥା ଶିକ୍ଷା ଆଦି ସମ୍ପର୍କିତ ବିଭିନ୍ନ ପଞ୍ଜିକୃତ ଅଭିଯୋଗର ଶୁଣାଣି ପରେ ତୁରନ୍ତ କାର୍ଯ୍ୟାନୁଷ୍ଠାନ ନିମନ୍ତେ ବିଭିନ୍ନ ଅଧିକାରୀମାନଙ୍କୁ ନିର୍ଦ୍ଦେଶ ଦିଆଯାଇଛି । ଏଠାରେ ସୂଚନାଯୋଗ୍ୟ ଆସନ୍ତା ୨୩ ତାରିଖରେ ଡମପଡା ବ୍ଲକ୍ କାର୍ଯ୍ୟାଳୟ ଠାରେ ଜିଲ୍ଳାପାଳଙ୍କ ଯୁଗ୍ମ ଜନ ଅଭିଯୋଗ ଶୁଣାଣି ଅନୁଷ୍ଠିତ ହେବ ।
Read More ...

ସାହିତ୍ୟ ସଂସ୍କୃତି ବିକାଶ ପରିଷଦର ୧୦ମ ବାର୍ଷିକ ସାଂସ୍କୃତିକ ସମାରୋହ ଓ ପୁସ୍ତକ ଲୋକାର୍ପଣ |

କଟକ ( ଉତ୍କଳ ନ୍ୟୁଜ ) ୧୬-୦୩-୨୦୨୬ : ଭଦ୍ରକ ଜିଲ୍ଲା ବ୍ଲକ ବିନ୍ଧାବଜାରସ୍ଥିତ କୁମ୍ଭାରସାହି ସପ୍ତାଦାଣ୍ଡରେ ସାହିତ୍ୟ ସଂସ୍କୃତି ବିକାଶ ପରିଷଦର ୧୦ମ ବାର୍ଷିକ ସାଂସ୍କୃତିକ ସମାରୋହ ଓ ପୁସ୍ତକ ଲୋକାର୍ପଣ ଉତ୍ସବ ଅନୁଷ୍ଠିତ ହୋଇ ଯାଇଛି । ପ୍ରାରମ୍ଭରେ କବି ବିଜୟ ବେହେରା ଓ ମାନସ କୁମାର ପାଢୀଙ୍କ ସଂଚାଳନା ଓ ଅଧ୍ୟାପିକା କବୟତ୍ରୀ ସଞ୍ଜୁକ୍ତା ଭାରତୀଙ୍କ ସଭାପତିତ୍ୱରେ ଏକ କବିତା ପାଠୋତ୍ସବ ଅନୁଷ୍ଠିତ ହୋଇଥିଲା । ଏଥିରେ କବିଶ୍ରୀ ଗୋଲକ ପ୍ରସାଦ ବୈୟାରୀ, ବିଶ୍ୱମୈତ୍ରୀ ନାୟକ, ସାବିତ୍ରୀ ବାନାର୍ଜୀ, ଶଶିକାନ୍ତ ବେହେରା, ବାବୁରାମ ରାଉତ, ବୈକୁଣ୍ଠନାଥ ଓଝା, ସୁଧାରଞ୍ଜନ ମହାନ୍ତି, ହରିହର ମଳିକ, ରଞ୍ଜନ କୁମାର ବେହେରା, ଡ. ଅରୁଣ ପଣ୍ଡା, ମୁକୁନ୍ଦଦେବ ନାୟକ, ଆଶୁତୋଶ କରଣ, ଅଜୟ ମଲ୍ଲିକ, ସୁବାଶ ଚନ୍ଦ୍ର ଦାସ, କଳ୍ପତରୁ ସେଠୀ, କୃପାସିନ୍ଧୁ ମହାନ୍ତି, ବଳରାମ ମଲ୍ଲିକ, ଶାନ୍ତିଲତା ଗିରି, ଜଗବନ୍ଧୁ ମହାନ୍ତି ଓ ରତ୍ନାକର ସାହୁ ପ୍ରମୁଖ ନିଜର ସ୍ୱରଚିତ କବିତା ପାଠ କରିଥିଲେ । ପି.ହୃଷିକେଶଙ୍କ ପୌରହିତ୍ୟରେ ଅନୁଷ୍ଠିତ ସାହିତ୍ୟ ସଭାରେ ମୁଖ୍ୟ ଅତିଥିଭାବେ ପ୍ରାକ୍ତନ ଜିଲ୍ଲାପାଳ ଓ ମାଧ୍ୟମିକ ଶିକ୍ଷା ପରିଷଦର ସଭାପତି ଡ. ଧରଣୀଧର ନାଥ, ମୁଖ୍ୟ ବକ୍ତାଭାବେ ଜଗନ୍ନାଥ ସଂସ୍କୃତି ବିଶ୍ୱ ବିଦ୍ୟାଳୟ, ପୁରୀର ପ୍ରାକ୍ତନ ରେଜିଷ୍ଟ୍ରାର ଡ.ବାବାଜୀ ଚରଣ ପଟ୍ଟନାୟକ, ସମ୍ମାନୀତ ଅତିଥିଭାବେ ବିଶିଷ୍ଟ ସାମ୍ବାଦିକ ଓ ସାହିତ୍ୟିକ ଚିତ୍ତରଞ୍ଜନ ବେହେରା ପ୍ରମୁଖ ଯୋଗଦେଇ ବକ୍ତବ୍ୟ ରଖିଥିଲେ । ପରିଷଦର ସମ୍ପାଦକ ମଥୁରାମୋହନ ବେହେରାଙ୍କ ପୁସ୍ତକ “ସିନ୍ଦୁରା ଫାଟିବାର ବେଳ” ଓ ତ୍ରିଲୋଚନ ବେହେରାଙ୍କର ପୁସ୍ତକ “ଆଦ୍ୟା ଅକ୍ଷର” ଅତିଥିମାନଙ୍କ ଦ୍ୱାରା ଲୋକାର୍ପିତ ହୋଇଥିଲା । ଏହି ଅବସରରେ ସାହିତ୍ୟ ସଂସ୍କୃତି ବିକାଶ ପରିଷଦ ପକ୍ଷରୁ ବିଶିଷ୍ଟ କଥାକାର ଉମାକାନ୍ତ ମିଶ୍ର ଓ ଅବସରପ୍ରାପ୍ତ ପ୍ରଧାନ ଶିକ୍ଷକ ସାହିତ୍ୟିକ ନିରଞ୍ଜନ ନାୟକଙ୍କୁ ସମ୍ବର୍ଦ୍ଧିତ କରାଯାଇଥିଲା । ଡ.ଅରୁଣ କୁମାର ପଣ୍ଡା ସ୍ୱାଗତ ଭାଷଣ ଓ ଅତିଥି ପରିଚୟ ପ୍ରଦାନ କରିଥିବା ବେଳେ ସମ୍ପାଦକ ମଥୁରାମୋହନ ବେହେରା ସମ୍ପାଦକୀୟ ବିବରଣୀ ପାଠ କରିଥିଲେ । ଶେଷରେ ରଞ୍ଜୁଲତା ଗାହାଣ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ । ଅନ୍ୟମାନଙ୍କ ମଧ୍ୟରେ ଡ.ଲକ୍ଷ୍ମୀଧର ତ୍ରିପାଠୀ, କୁଳମଣି ସାହୁ, ଶୀତଳ କୁମାର ବେହେରା, ଭାଗିରଥି ଆଚାର୍ଯ୍ୟ, ନିତ୍ୟାନନ୍ଦ ମଲ୍ଲିକ, ଜୟନ୍ତ କୁମାର ମହାନ୍ତି, ସୁଧାକର ଧନୀ, କୈଳାସ ବେହେରା, ବିଶ୍ୱଜିତ ବେହେରା, ହୃଷିକେଶ ପାଢୀ, ଅକ୍ଷୟ ବ୍ରହ୍ମ, କିଶୋର ନାୟକ ଓ ରବି ମହାନ୍ତି ପ୍ରମୁଖ ଉପସ୍ଥିତ ଥିଲେ । ତିହିଡିରୁ ସଞ୍ଜୟ ଦାସଙ୍କ ରିପୋର୍ଟ ଉତ୍କଳ ନ୍ୟୁଜ ।
Read More ...

ALL NEWS