ବିଶ୍ବ ଟେଷ୍ଟ୍ ଚାମ୍ପିଅନ୍ସିପ୍: ଜୟସ୍ବାଲ, ଗିଲ୍ଙ୍କ ଜବରଦସ୍ତ ଶତକ ପାଇଁ ଭାରତର ସ୍ଥିତି ମଜଭୁତ |
କଟକ,(ଉତ୍କଳ ନ୍ୟୁଜ),୨୧.୬.୨୦୨୫ : ଯଶସ୍ବୀ ଜୟସ୍ବାଲଙ୍କ ଶତକ ଏବଂ ଟେଷ୍ଟ୍ ଅଧିନାୟକ ଭାବେ ପ୍ରଥମ ପାଳିରେ ଶୁବମନ ଗିଲ୍ଙ୍କ ଅପରାଜିତ ଶତକ ବଳରେ ଭାରତ ନୂଆ ଟେଷ୍ଟ୍ ଚକ୍ର ଆରମ୍ଭ କରିଛି। ଇଂଲଣ୍ଡ ବିପକ୍ଷ ପ୍ରଥମ ଟେଷ୍ଟ୍ର ପ୍ରଥମ ଦିନକୁ ଭାରତ ନିଜ ନିୟନ୍ତ୍ରଣରେ ମଧ୍ୟ ରଖିଛି। ବିଶ୍ବ ଟେଷ୍ଟ୍ ଚାମ୍ପିଅନ୍ସିପ୍ (ଡବ୍ଲ୍ୟୁଟିସି) ୨୦୨୫-୨୬ ଚକ୍ରର ଏହି ୫ ମ୍ୟାଚ୍ ବିଶିଷ୍ଟ ଟେଷ୍ଟ୍ ଶୃଙ୍ଖଳାର ହେଡିଂଲେରେ ଖେଳାଯାଇଥିବା ଏହି ମ୍ୟାଚ୍ର ପ୍ରଥମ ଦିନର ରିପୋର୍ଟ ଲେଖା ବେଳକୁ ଭାରତ ୩ ୱିକେଟ୍ ହରାଇ ୩୫୦ ରନ୍ କରିଛି। ଗିଲ୍ ୧୨୬* (୧୬୬, ୧୬ ଚୌକା, ୧ ଛକା) ଏବଂ ପନ୍ତ ୫୭* (୯୬ ବଲ୍, ୬ ଚୌକା, ୧ ଛକା) ରନ୍ରେ ବ୍ୟାଟିଂ କରୁଛନ୍ତି। ଟେଷ୍ଟ୍ ଜୀବନରେ ଏହା ଜୟସ୍ବାଲଙ୍କ ପଞ୍ଚମ ଏବଂ ଗିଲ୍ଙ୍କ ଷଷ୍ଠ ଶତକ।