ଏସଆଇଆର ସମୟସୀମା ବଦଳିବନି |
କଟକ,(ଉତ୍କଳ ନ୍ୟୁଜ),୨୩.୦୮.୨୦୨୫ : ସ୍ୱତନ୍ତ୍ର ସଂଶୋଧନ (ଏସଆଇଆର) ସମୟରେ ଡ୍ରାଫ୍ଟ ଭୋଟର ତାଲିକାରୁ ବାଦ ପଡିଥିବା ଲୋକଙ୍କୁ ସହାୟତା କରିବାରେ ନିଷ୍କ୍ରିୟତା ନେଇ ବିହାରର ରାଜନୈତିକ ଦଳଗୁଡିକୁ ସୁପ୍ରିମକୋର୍ଟ ଶୁକ୍ରବାର କଡା ସମାଲୋଚନା କରିଛନ୍ତି | ଜଷ୍ଟିସ ସୂର୍ଯ୍ୟାକାନ୍ତଙ୍କ ଅଧ୍ୟକ୍ଷତାରେ ଗଠିତ ଦୁଇଜଣିଆ ଖଣ୍ଡପୀଠ ନିର୍ବାଚନ ଆୟୋଗ ଦ୍ୱାରା ତାଲିକାଭୁକ୍ତ ୧୧ଟି ଦସ୍ତାବିଜ କିମ୍ବା ଆଧାରକାର୍ଡ଼ ମଧ୍ୟରୁ ଯେକୋଣସି ଗୋଟିଏ ସହ ଲୋକଙ୍କୁ ଅଭିଯୋଗ ଦାଖଲ କରିବାରେ ସାହାଯ୍ୟ କରିବା ପାଇଁ ଦଳୀୟ କର୍ମୀମାନଙ୍କୁ ଆଦେଶ ଜାରି କରିବାକୁ ୧୨ଟି ରାଜନୈତିକ ଦଳକୁ ନିର୍ଦେଶ ଦେଇଛନ୍ତି | ଅଦାଲତ ଏହା ମଧ୍ୟ କହିଛନ୍ତି ଯେ ବର୍ତ୍ତମାନ ପାଇଁ ଏହି ପ୍ରକ୍ରିୟାର ସମୟସୀମା ପରିବର୍ତ୍ତନ କରାଯାଉନାହିଁ | ଗତ ଶୁଣାଣୀରେ ସୁପ୍ରିମକୋର୍ଟ କହିଥିଲେ ଯେ ଯେଉଁମାନଙ୍କ ନାମ ଡ୍ରାଫ୍ଟ ତାଲିକାରୁ ବାଦ ଦିଆଯାଇଛି ସେମାନେ ଏହାକୁ ଚ୍ୟାଲେଞ୍ଜ କରିବା ପାଇଁ ସେମାନଙ୍କ ଆଧାର କାର୍ଡ ଦାଖଲ କରିପାରିବେ |